هذه اول مشاركاتي

[الرئيس]

تعال لخاطرك ظلع عندي مكسور


وصدك اعترف انه الكسرته


تعال الكلبي متيتم بلياك


تعال لخاطري ونشف د معته


صح مني الزعل مابيك كل صوج


وأحاسب روحي جي كلبك شعلته


تعال وخل نشد حبل المواعيد


حيل أتندمت لمن كطعته


كتلك عوقني كل قصدي الاشيك


كلت الحب حلو لتونس زعلته


مااصورك متبطر ا لهاي


أبوجهي الباب شو رأسا قفلته


اعتبرني بهاي جاهل جنت احاجيك


وطفل غلطان ماتغفر غلطته


شمالك صدكت اكدر عالفراك


ومااشوفك بعد كل عقلك انته


صوتك بيه روح اتصور الحال


ترد الروح لو صوتك سمعته


انه مسودن اشلون ازعل عليك



الزعل يضحك عليه اشمازعلته



اكابر صح جنت مااحجي وياك


روحي اتروح يمك تحجي سكته


شجاك اتعوفني يمعود اشبيك


وكلبي عليك يمعود فطمته


صبرت اهواي بلكت اكدر انساك


وماكو انساك بس اتذكر انته


كمر وجهك تعال وضيع الليل


وخلي الليل يرجف من طلعته


ترهملي انته بس وارهم عليك


ومايسوى الزعل شكك صفحته


اعتذرلك هسه اجيت وكون ماجيت


وعساني البابكم لا ماوصلته


كتلك انته اليه وملكي للموت


وغيري وياك ماترهم عشرته


كاعي انته وزرعتك وانه فلاح


ليش الغير يحصد بالزرعته


كلبك هذا يمي وسولف وياه


اكيف لو يقنعك لوقنعته


مااصبر بدونك لحظه ماعيش


هذا الصوت من كلبك سمعته


تعال بسرعه نرجع نسحك الراح


ومن كلبي الزعل صدك شلعته

[/size]

[كرم لطيف]

مشكور على اول مشاركه واحلى مشاركه

عاشت ايدك

[الرئيس]

شكرا شكررررررررررررررررا

[حسين الناصري]

اانتضر جديدك حبيبي زدنا شعرا ياخي نتمتع به

[عراق فورتين]

تسلم وعاشت ايدك

[حسين الناصري]

مشكور حبيبي